Âb-ı İstigfâr İle Dil Hânesin Pâk Eyleyüp
8 Aralık 2023 tarihinde yayınlanmıştır.
NUTK-İ ŞERÎF
Âb-ı istigfâr ile dil hânesin pâk eyleyüp
Cân u dilden eydelim estağfirullahe'l-'azîm
Her seher bu efgân ile bu sîneyi çâk eyleyüp
Cân u dilden eydelim estağfirullahe'l-'azîm
Ka`be-i vasl-ı cemâle 'azm-ı râh it ey gönül
Âteş-i 'aşkıyla her dem zâre âh it ey gönül
Rûh-ı kudsü taht-ı kalbe pâdişâh it ey gönül
Cân u dilden eydelim estağfirullahe'l-'azîm
Sûreti terk eyleyüp sîretde sultân olagör
Katreye kılma nazar bahr ile 'ummân olagör
Matla'-ı envâr-ı Hakk ol kâmil insân olagör
Cân u dilden eydelim estağfirullahe'l-'azîm
Kıl tecellî şem'ine pervâne-veş cânı fedâ
Bul cemâl-i Hazret-i Hakk'da fenâ-ender-fenâ
Ma'nevîyâ bulmak istersen bekâ-ender-bekâ
Cân u dilden eydelim estağfirullahe'l-'azîm
Mustafa Manevî Efendi
Kuddise Sırruh