Aç Gözün Her Yüzde Ol Cânânı Gör
31 Ekim 2022 tarihinde yayınlanmıştır.
NASÎHAT
Aç gözün her yüzde ol cânânı gör
Şol tecellî eyleyen Rahmân'ı gör
Açdın ise gözlerin tevhîd ile
Mısr-ı dilde Yûsuf-i 'irfânı gör
Nice bir mahcûb-i Hazret olasın
Yarına kalma bugün var ânı gör
Esmeden bâğ-ı dilde bâd-ı fenâ
Aç gözün nergis gibi uyânıgör
Şerbet-i 'aşk u muhabbet nûş edüp
Ko sivâ sevdâsını uslânıgör
Gör ne vech ile Hudâ'ya erdiler
Bu cihânda bunca âlî-şânı gör
İsm ü resmin mahv olunca yan yakıl
'İbret al pervâne-i sûzânı gör
Küfr elin kes dâmen-i cânândan
Sen de var Hakkı gibi îmânı gör
İsmâil Hakkı Bursevî
Kaddesallahu Sırrahu'l-Âlî