Aceb mi Şehâ Bu Abd-i Gedâ Şefâatini İderse Recâ
30 Temmuz 2022 tarihinde yayınlanmıştır.
NA'T-I ŞERÎF
'Aceb mi şehâ bu 'abd-i gedâ şefâ'atini iderse recâ
Çü senden irer fakîre 'atâ marîze şifâ kulûbe safâ
Anınçün umar bu 'abd-i zelîl 'atâlarıbı bu hâlet ile
Çün itdi senin vücûdunu Hakk şefî'-i usât-amiz dü câ
Önünde ki ba's cümle halk 'adâletine penâh ideler
Ümîdim odur k'olam o zamân himâyetine mahall u sezâ
Revân-ı şerîfine dahi hem sahâbe-i âl-i 'ızâmına
Ola niçe bin salavâtıyla sabâh u mesâ selâm u duâ
Eğerçi ki bu hakîr ü gedâ tapuna yarar bidâ'ası yok
Velâkin yine tazarru' idüp hemîşe ider ümîd-i 'atâ
O dem ki ümem ider ictimâ' olur ihtiyâc-ı hamiyyetin
Bu bende dahi penâh iderem sana ben eyâ münîr-likâ
Bu Fazlî zâr ider i'tizâr hezâr u hezâr günahları var
Bu hâlet ile ümîdi sanadır eyâ Habîb-i Hudâ
Osman Fazlî Efendi
Kuddise Sırruh