Açıldı Bâb-ı Gülşen Sâlikân Zevk ü Safâ Bulsun
25 Şubat 2024 tarihinde yayınlanmıştır.
NUTK-İ ŞERÎF
Açıldı bâb-ı gülşen sâlikân zevk ü safâ bulsun
Tarîkat neş'esinden cümlesi a'lâ edâ bulsun
Yeter mestûr olup kaldı temâşâ-gâh-ı 'âlemde
Açılsın kifl-i kalbi cümlenin bûy-i vefâ bulsun
Yeter kim seyr-i muhibb-i hırka itdin bezm-i fânîde
Bekâbillah ile nüshun cihânda dâsitân bulsun
Beyân it sâlikâna râh-ı 'aşkın hâl ü şânından
Gedâ iken anun her biri sultân-ı cihân olsun
Çıkarsın hubb-i dünyâyı gönülden zevk ü şevk ile
Rızâ-yı fikr ile dâim hayât-ı câvidân bulsun
Nazîr-âsâ dem-â-dem yârı ile eyleyüp sohbet
Safâ vü zevk ile dâim derûnu şâdumân bulsun
Nazîr İbrâhim Efendi
Kuddise Sırruh