MuzafferOzak.com (Türkçe)

NUTK-İ ŞERÎF

Açıldı çün bezm-i elest

Devr eyledi peymânesi

Andan içenler oldu mest

Ayılmadı mestânesi

Ol bâdeden kim nûş ider

İçdiği dem serhôş ider

Deryâ gibi ol cûş ider

Esrük olur dîvânesi

Savm-ı sivâyı kim tutar

'Iyd-i visâle ol yeter

Bülbül gibi dâim öter

Gülşen olur kâşânesi

Bayrâma ol 'âşık irer

Kim Hakk cemâlini görür

Dost bezminin zevkin sürer

Pür-nûr olur dil hânesi

Aç gözünü Hakk ile bak

Oku Hüdâyî'den sebak

Kâmil olurmuş ehli-i Hakk

Doğmazdan evvel ânesi

Azîz Mahmûd Hüdâyî
Kaddesallahu Sırrahu'l-Âlî

NAĞME-İ AŞK

Muzaffer Efendi · Açıldı Çün Bezm-i Elest - Neva ilahi