Açıldı Ravza-i Vechin Bahârı
20 Temmuz 2021 tarihinde yayınlanmıştır.
NUTK-İ ŞERÎF
Açıldı ravza-i vechin bahârı
Müsâvî eyledi leyl ü nehârı
İçenler l'al-i nâbın cür'asından
İki 'alemde görmedi humârı
Hevâ-yı Hû vü Yâ Hû'nun hümâsın
N'ola şehbâz-ı dil etse şikârı
Sıfât-ı safvet-i vaslın kıl ihsân
Gider âyîne-i dilden gubârı
Fezâ-yı lâ-mekânda kıldı cevlân
Semend-i himmetin olan süvâri
'Urûc etdi semâ-yı evc-i kudse
Eden ifnâ 'adem râhında vârı
Fenâyî bendene iki cihânda
'Ayân eyle şühûd-ı 'ayn-ı yâri
Ehl-i Cennet Fenâyî Mehmed Efendi
Kuddise Sırruh