Açılmaz Bâb-ı Ma'nâ Elde Miftâh Olmasa Evvel
3 Ocak 2021 tarihinde yayınlanmıştır.
NUTK-İ ŞERÎF
Açılmaz bâb-ı ma'nâ elde miftâh olmasa evvel
Ki 'ilm ü i'tikâdı dilde muhkem kılmasa evvel
Nice tahkîk-i ders-i ma'rifet eyler bu meclisde
Hakîkatde bu fenn-i 'aşk-ı pâki bilmese evvel
İrâdet subh-i kâzib sûretîdir olmasa sâdık
Döner târik olur âhir şafak açılmasa evvel
Erdi 'âkıbet sırr-ı menzil-i maksûda her sâlik
Eğer doğru gidüp semte yolu yanılmasa evvel
Nice yüz gösterir âyîne-i dil dîde-i câna
Onu bir ehl-i dil jengâr-ı gamdan silmese evvel
Zer-i hâlis gibi sâf olmaz yed-i cevheri anın
Bu 'aşkın âteşinde dil yanup yakılmasa evvel
Belirmezdi eser-i levh-i dil üzere Hakkıyâ hergiz
Kalemden nakş-ı Hakk hakkında ger yazılmasa evvel
İsmâil Hakkı Bursevî
Kuddise Sırruh