MuzafferOzak.com (Türkçe)

NUTK-İ ŞERÎF

Âdem isen "alleme'l-esmâ" içinde kânı bul

Üns-i Rahmân rehberi bir kâmil insânı bul

Perde-i cisminde mestûr 'âlemi fehm eyleyüp

Okuyup "ders-i 'aref"den cân içinde cânı bul

Gerçi yetmiş bin hicâb-ı nefs ile oldun garîb

Akrebiyyetle "ehad" sırrındaki mihmânı bul

Ger 'urûc etmekse asla reng ü elvândan geçüp

Sırr-ı zâtda mahv oluben lâ-mekân seyrânı bul

Sem'-i cân ile işit tevhîd-i vahdetden nidâ

"Kün" deyu her zerreye fermân eden "Sultân"ı bul

Sen de ey Sâmî Niyâzî hep alâikden geçüp

Bî-cihet her an sana nâzır olan cânânı bul

Şeyh Abdurrahmân Sâmî Saruhânî
Kaddesallahu Sırrahu'l-Âlî

Âdem İsen "Alleme'l-Esmâ" İçinde Kânı Bul