Âh El-Mevt
2 Eylül 2022 tarihinde yayınlanmıştır.
.jpg)
NUTK-İ ŞERÎF
Gaflet ile gezer iken nâgâh
Gûşa erdi sadâ-yı âh el-mevt
Bir feza' kopdu 'âlem-i tende
Câna erdi nidâ-yı âh el-mevt
Vakt geldi ecel 'ayân oldu
Bu beden dîdeden nihân oldu
Bâğ-ı ömrüm bugün hazân oldu
Esdi çün kim hevâ-yı âh el-mevt
Mürg-i cân tutdu râh-ı ıtlâkı
Kayd-ı ten olmadı ana bâkî
Na'ralarla pü etdi âfâkı
Her taraf hûy-ı hây-ı âh el-mevt
Niçe bir bunca tarz bu dârât
Eksirû zikra hâdimü'l-lezzât
Anlasan der sana kamu emvât
Mih sana dahi pây-i âh el-mevt
Nûriyâ olsa lutfu Rahmân'ın
Ten ölürse de sağ olur cânın
Çün ki yokdur bekâsı dünyânın
Merhabâ ey fenâ-yı âh el-mevt
Abdülehad Nûrî
Kaddesallahu Sırrahu'l-Âlî