Âh Kim Bu Gönül Hümâsı
29 Nisan 2024 tarihinde yayınlanmıştır.
NUTK-İ ŞERÎF
Âh kim bu gönül hümâsı
Havâlara pervâz ider
Gâhî konar bir sahrâya
Gâhî konmağa nâz ider
Gâhî gider seyyâh olur
Cümle cihâna şâh olur
Ne kendinden âgâh olur
Ne bana keşf-i râz ider
Gâhî düşer hâristâna
Meyl ider bâğ u bostâna
Gâhî gelir gülistâna
Gül 'aşkından feryâz ider
Gâhî bir gussaya dalar
Gönül gümân ile dolar
Gâhî cümle gamı siler
Güldürüp beni şâz ider
Gâhî bir ister sevdiğin
Bilmez olur n'işlediğin
Gâhî gelüp ne didiğin
Durup fikr-i dırâz ider
Gâhî dünyâya el katar
Dopdolu hırs ile batar
Gâh fenâya yüz tutar
Cümle vârın 'ıvâz ider
Gâhî eser yeller gibi
Gâhî taşar seller gibi
Gâh açılır güller gibi
Vücûdum bahâr yaz ider
Gâhî akar gözüm yaşı
Yanar yüreğim ateşi
Bencileyin böyle işi
Vâr ise belki az ider
Ümmî Sinân'ın yâ Ganî
Bildim ki çokdur 'isyânı
Bağışlasın deyü seni
Dergâhına niyâz ider
Elmalılı Sinân Ümmî
Kaddesallahu Sırrahu'l-Âlî