Âkil İsen Olma Çâh-ı Nefse Habs
29 Nisan 2022 tarihinde yayınlanmıştır.
NASÎHAT
'Âkil isen olma çâh-ı nefse habs
Ol hemîşe kâim evkât-ı hams
Târ olan kalb-i münîr eyler salâh
Nitekim pür-nûr eder dünyâyı şems
Eyle tâ'ât u 'ibâdet dâimâ
Olmadıysa tâli'in 'âlemde nahs
Kıl müdâm râh-ı Hakk'da ictihâd
Dîn içün eyle fedâ-yı rûh u re's
Oldu her şahsa birer hasm-ı kavî
Buhl u hırs 'ucb u riyâ vü kibr ü nefs
İmdi râm olma bu mezkûrâta sen
Vermesin İblîs 'aleyhi'l-la'ne ders
Fazliyâ dünyâya etme i'timâd
Döndürür bir gün yüzünü sana ters
Seyyid Osman Fazlî Efendi
Kaddesallahu Sırrahu'l-Âlî