Akl Der kim Kaç Olur Cümle Sıfat-ı Bîçûn
25 Haziran 2023 tarihinde yayınlanmıştır.
NUTK-İ ŞERÎF
'Akl der kim kaç olur cümle sıfat-ı Bîçûn
'Aşk der zâtına "sübhâneke ammâ yasıfûn"
'Aşkdır kâşif-i esrâr-ı hakâyık mutlak
'Akl hâricdir açılmaz ana esrâr-ı derûn
Kavl-i "kün"dür bu zuhûrâta rumûz u rû-pûş
Yoksa pirâye-i sun'unda ne Kâf oldu ne Nûn
Kendi her ânda nice şânını izhâr eyler
Oldu bir şânı hem ol debdebe-i "kün fe yekûn"
Cümle bir 'aşk ile messt oldu 'ayân şeyh ile şâb
Cümle bir hükm ile pest oldu revân 'âlî vü dûn
Olmadı bâdiye-i dûru ve mehcûru tayy
Olmadıkça Mecnûn Leylî vü Leylî Mecnûn
Söyle Hakkı sühân-ı 'aşkı ki hoş-meşrebde
Her ne kim kıssa-i 'aşk olmadı boşdur o füsûn
Erzurumlu İbrâhim Hakkı
Kuddise Sırruh