Aks-i Mihrin Nûru Dil Âyînesinde Nâr Olur
19 Ocak 2025 tarihinde yayınlanmıştır.
NUTK-İ ŞERÎF
'Aks-i mihrin nûru dil âyînesinde nâr olur
Cânfezâ ânın ile cism ile cân bîmâr olur
Goncalar reng-i ruhunla şermsârındır senin
Zülf ü müjgânın derûn-i sînem içre hâr olur
Vasl ile âbâd olur milk-i dil-i üftâdegân
Mürg-i rûhum kurbetinle mübtelâ-yı zâr olur
Nokta-i ânın hayâli rûhda tasvîr olalı
'Akl ü fikrim mihver-i 'aşkın ile pergâr olur
Nâvek-i çeşmânına dildâdeler olmaz rehâ
Tîğfeşân-ı rişte-i dîdâr ile berdâr olur
Ülker-i seyyâr-ı hüsnün mahremi üftâdeler
Cevv-i eflâk hayretinde 'aşk ile tayyâr olur
Lâlezâr oldu derûnum yâre-i sadpâreden
Dîdeden hûnâb-ı eşkim kandan ebhâr olur
Sadme-i 'aşkınla bîtâb Sâmî'ye rahm it şehâ
Her nigâhın câna bin te'sîr ile mismâr olur
Şeyh Abdurrahmân Sâmî Saruhânî
Kaddesallahu Sırrahu'l-Âlî