Aldı Âgûşuna Hurşîd-i Mehâsin-ârâ
8 Nisan 2019 tarihinde yayınlanmıştır.
NUTK-İ ŞERÎF
Aldı âgûşuna hurşîd-i mehâsin-ârâ
Bilerek 'aşk ile bî-tâb u hilâl olduğumu
Merdüm-i dîdemi hâl etdi ruh-i rahşâne
Görerek dîdemi meftûn-i cemâl olduğumu
Fehm edüp sîne-i sîmînine ta'lîk etdi
Sadef-i sâf-ı muhabbet ile kâl olduğumu
Şeb-i zulmetde enîs etdi visâli görerek
Nâr-ı 'aşk ile yanup şem'a misâl olduğumu
Açdı gül gonca-i ruhsârını insâf ederek
Şiddet-i zâr ile bî-vâye vü lâl olduğumu
Tûtiyâ eyledi dü çeşmime hâk-i pâyin
Sâmî ruh-sûde görüp bî-perr u bâl olduğumu
Şeyh Abdurrahmân Sâmî Saruhânî
Kaddesallahu Sırrahu'l-Âlî