Âlem-i Kesretden Ey Sâlik Firâr Eyle Yürü
5 Kasım 2021 tarihinde yayınlanmıştır.
NUTK-İ ŞERÎF
'Âlem-i kesretden ey sâlik firâr eyle yürü
Ferd-i vâhid bâr-gâhında karâr eyle yürü
Rûy-i vahdet görmek istersen bu kesretde eğer
Sâf kıl mir'ât-i kalbin tâb-dâr eyle yürü
Kimi Ka'be kimi 'arşı etmede dâim tavâf
Sen harîm-i kurb-i Hakk'ı ihtiyâr eyle yürü
Bu sülûk erbâbının yokdur nihâyet seyrine
Kande ersen mâ-verâsına güzâr eyle yürü
Bâğ-ı cânında açılsın dem-be-dem ezhâr-ı Hakk
Bu vücûdun Hakkıyâ her dem bahâr eyle yürü
İsmâil Hakkı Bursevî
Kuddise Sırruh