MuzafferOzak.com (Türkçe)

NASÎHAT

'Âlem-i tahkîki bul mâh-ı şebistân sen ol

Enfüs ü âfâka dol verd-i gülistân sen ol

Mehd-i Süleymân'ı çün çekdi onu mihr içün

Mehd-i ten oldun niçün mihr-i dil ü cân sen ol

'Aşk ile dîvâne ol şem' ile pervâne ol

Cânına cânane ol derdine dermân sen ol

Sensin ol asl-ı vücûd hem kerem-âbâd-ı cûd

Hemdem-i 'aşk u derd hem yem-i 'irfân sen ol

'Âleme çün ey hasen 'illet-i gâiyyesin

Bil seni kimsin nesin cümleye sultân sen ol

Cism ile hâk olma gel bahr-i dem-i 'aşka dal

Rûhunu ma'nâya sal nefha-i Rahmân sen ol

'Aşk der ey Hakkı var kendini bil yâr-i gâr

Müjde ki sensin o yâr hüsnüne hayrân sen ol

Erzurumlu İbrâhim Hakkı

Kuddise Sırruh

Âlem-i Tahkîki Bul Mâh-ı Şebistân Sen Ol