Allah Adını Gönülde Zikr et

10 Ocak 2020 tarihinde yayınlanmıştır.

NASÎHAT

Allah adını gönülde zikr et 

Her demde teveccüh eyle fikr et

Gafletden uyan ko her hevâyı

Bil var yok anınla mâsivâyı

Tevhîd-i fi'âl edüp metîn ol

Fa''âle tevekkül edüp emîn ol

Tedbîr ü gumûmdan ba'îd ol

Tefvîz-i umûr edüp sa'îd ol

Emrâz u belâlara sabûr ol

Teslîm ü rızâ ile şekûr ol

Sabr eyle teenî et selîm ol

Sabr eyle tahammül et halîm ol

Ta'zîm-i Hudâ'da ihtimâm et

Mahlûkuna şefkati tamâm et

'Afveyle kusûru nefret etme

Setr eyle 'uyûbu gıybet etme

İncitme kimseyi rahîm ol

Tatbîk-i havâtır et kerîm ol

Rıfk eyle halâika halîl ol

Kibr etme gönülde pek zelîl ol

Sen benliği terk edüp fakîr ol

Nefy et bu vücûdunu hatîr ol

Hakkı hemân ol fakîr ü fânî

Tâ kim bulasın anınla anı

Erzurumlu İbrâhim Hakkı

Kuddise Sırruh