MuzafferOzak.com (Türkçe)

NUTK-İ ŞERÎF

Allah Allah bu seherin dost ilinden nidâ geldi

Şâd u hurrem oldu bu dil gûş-ı câna sadâ geldi

Dil gülistânında bülbül başladı eyler nidâ

Goncalar nevreste olmuş gönlümüze safâ geldi

Şevk-i cemâl-i yâr ile dil evi pür-nûr olur

Hamdülillâh bu harâbât içre yine ziyâ geldi

Sırr-ı vahdet câna minnet gönle kuvvet oldu çün

Şâd u handân oldu diller aceb neşv ü nemâ geldi

Bezm-i Hakk'dan bir numûne bâde-i aşk ile bes

Mest-i müdâm oldu bu dil gönüllere edâ geldi

Kalmadı mâsivâ aslâ cümlesi mavh oldu o dem

Şöyle tezyîn-i gönlüme her tarafdan cilâ geldi

Eyle gönülde huzûru Sûziyâ yâr ile sen

Kesret-i yârânı terk et zîrâ andan cefâ geldi

Ahmed Sûzî

Kuddise Sırruh

Allah Allah Bu Seherin Dost İlinden Nidâ Geldi