Arz-ı Cemâl Eyledi Ol Gül-i Handânımız
29 Mart 2023 tarihinde yayınlanmıştır.
NUTK-İ ŞERÎF
'Arz-ı cemâl eyledi ol gül-i handânımız
Haşre değin dinmedi bülbül-i nâlânımız
Der-pey-i ahzân olan gülleri biz neyleriz
Solmadı hergiz bizim çünki gülistânımız
Taht-ı dili zeyn edüp cevher-i ihlâs ile
Bir dem ola kim gele lutf ide sultânımız
Cânımızı şevk ile yoluna kurbân edüp
'Iyd ederiz çün gele Yâr ola mihmânımız
Hûr u kusûr zâhidin matlab-ı a'lâsıdır
Bize Sezâyî yeter cennet-i 'irfânımız
Hasan Sezâyî
Kuddise Sırruh