Âşık İsen Hakîkat Sen Tal'at-i Vahîde

4 Şubat 2019 tarihinde yayınlanmıştır.

NASÎHAT

'Âşık isen hakîkat sen tal'at-i vahîde

Estâr-ı mâsivâdan eyle dili cerîde

İksîr-i zikr ile dil olmazsa çün sadef-pâk

Kenz-i hafide olmaz dürdâneye resîde

'Aşkında ehl-i derd ol şevkında külli ferd ol

Sa'yinde sâf-ı merd ol ferde erer ferîde

Senden sana sefer kıl cândan yana güzer kıl

Hep öz ile nazar kıl bakma karîb ba'îde

Buldu bulan özünde mürşidlerin izinde

Vahdet mehi yüzünde bedr ay olur güzîde

Taklîdden eyle hazer cevher olur mu mermer

Bakırla bir midir zer bul "men 'aref"le dîde

Bul sırr-ı Hakk'da kâmil eyler seni de vâsıl

Maksûdun ola hâsıl zikrini ide ide

Sâmî'ye oldu 'ayân 'ayâna olmaz beyân

Kalmadı cân ü cihân erüp sa'îd-i 'ıyde

Şeyh Abdurrahmân Sâmî Saruhânî

Kaddesallahu Sırrahu'l-Âlî