Âşiyân-ı Rûm'dan Uçmuş Hümâdır İşbu Dil
5 Mart 2022 tarihinde yayınlanmıştır.
NUTK-İ ŞERÎF
Âşiyân-ı Rûm'dan uçmuş hümâdır işbu dil
Hâliyâ şâm içre mürg-i bî-nevâdır işbu dil
Okumuşdur dâsitân-ı 'aşkın binbir varak
Sad zebânıyla bugün nağme-serâdır işbu dil
Feyz-i Hakk'dan gerçi deryâ-dil katı çokdur velî
Câm-ı cûy-i ahmete mahz-ı 'atâdır işbu dil
Çehresi jeng-i te'allukdan mücellâdır anın
'Aks-i nûr-i Hakk'a mir`ât-ı safâdır işbu dil
Çok cefâ çekse tarîk-i Hakk'da n'ola Hakkıyâ
Sâlik-i râh-ı havâss-ı evliyâdır işbu dil
İsmâil Hakkı Bursevî
Kuddise Sırruh