Aşk Eyle
10 Ağustos 2024 tarihinde yayınlanmıştır.
MÜNÂCÂT
Yâ Rabbi lisânımda ezkârımı 'aşk eyle
Gencîne-i sînemde esrârımı 'aşk eyle
Kurtar beni mahbesden sahrâ-yı dile yol ver
Bu gâr-ı vücûdumda etvârımı 'aşk eyle
Dil bülbülünün bağrın hûn itdi fenâ hârı
Bustân-ı cinân içre gülzârımı 'aşk eyle
Dil hücresini yâ Rab vesvâs harâb itdi
Lutf it anı ma'mûr efkârımı 'aşk eyle
Dükkân-ı 'anâsırda itdirme sivâ bey'in
Kurtar bizi hüsrândan bâzârımı 'aşk eyle
Ruhsâr-ı mecâzîde bu çeşmime hazz virme
Her kanda nigâh itsem dîdârımı 'aşk eyle
Her sûya ki der idim 'aşkını medâr eyle
Özge yere yol virme bâzârımı 'aşk eyle
Şemsî kulunu kurtar bu kıyl ile kâlinden
El-kıssa budur maksad her kârımı 'aşk eyle
Şemseddin Sıvâsî
Kuddise Sırruh