Aşk İle Bünyâd Olaldan Kalbimiz Mesrûr Durur
12 Eylül 2023 tarihinde yayınlanmıştır.
NUTK-İ ŞERÎF
'Aşk ile bünyâd olaldan kalbimiz mesrûr durur
Menzil-i maksûda irdik cân u dil ma'mûr durur
Mekteb-i 'aşk içre cânâ görünür esrâr-ı Hakk
'Ârif-i billah olup dil dîdeler pür-nûr durur
'Aşkı hem-râh eyleyelden kande baksan zâhidâ
Çeşmimiz bînâ olupdur Hakk bize manzûr durur
Ma'nâ-yı âfâk u enfüs ilm-i vahdet "min ledün"
Okunupdur levh-i dilde sanma kim mestûr durur
Çekmişiz el gayrıdan biz Hakk durur maksûdumuz
İtmeziz biz şirk-i ahfâ aslımız gayyûr durur
"Len terânî" remzin ey dil fehm iden 'âşık bugün
Mûsâ-veş maksûda irdi her mekânı Tûr durur
Gösterelden levha-i Tâhâ vü Yâsîn sırrını
Gönlümüz bir gizli gencdir Nakşî ana gencûr durur
Nakşî-i Akkirmanî
Kaddesallahu Sırrahu'l-Âlî