Aşk Yolunda Nâfe Kanlar Nûş İdüp Izmâr İder
30 Temmuz 2024 tarihinde yayınlanmıştır.
NUTK-İ ŞERÎF
'Aşk yolunda nâfe kanlar nûş idüp ızmâr ider
Sabrı âhir müşk-i ezfer eyleyüp izhâr ider
Haste-i 'aşk ol velî zinhâr feryâd eyleme
Kim tabîbin derdine açmazcadan tîmâr ider
Bülbülü gör nâlesin artırdığınca ol garîb
Günleyip gülzârını bir hâr ile i'zâr ider
Sûk-ı mihnetde sakın gam yeme Hallâk-ı cihân
Her şikeste-hâtır ile gizlice bâzâr ider
Şemsiyâ vîrâne-dil ol ko 'imâret semtini
Genci her dem sâhibi vîrânede esrâr ider
Şemseddîn Sıvâsî
Kuddise Sırruh