MuzafferOzak.com (Türkçe)

NUTK-İ ŞERÎF

'Aşkdır ser-levha-i mecmu'a-yı sırr-ı Hudâ

Mekteb-i 'irfânda 'aşk ile iderler ibtidâ

'Aşkdır şol şu'le-efrûz-i vücûd-i kâinât

Kim kılupdur âlem-i hejdeh-hezâr pür-zıyâ

Kârgâh-ı 'âlemin 'aşk eyledi bünyâdını

Düzdü üstâd-ı ezel bir san'at Âdem'den ana

"Küntü kenz"den vücûde geldi evvel bir gevher

Ol gevherden saçdı yüz bin gevher bî-intihâ

Bahr-i cûd-i bî-kerân-ı Hakk temevvüc eyledi

Düşdü asdâf vücûd-i Âdem'e dürr-i safâ

Ol dürr-i yektâya bir gavvâs olmaz dest-zen

Olmayınca işbu gün deryâ-yı 'aşka âşinâ

Hakk'a kurbet ister isen vârını 'aşka değiş

Hakkıyâ bî-'aşk olanlar oldular Hakk'dan cüdâ

İsmâil Hakkı Bursevî

Kuddise Sırruh

Aşkdır Ser-levha-i Mecmua-yı Sırr-ı Hudâ