Aslını Bilen Kişi İtmez Bu Yerlerde Karâr
7 Temmuz 2024 tarihinde yayınlanmıştır.
.jpg)
NUTK-İ ŞERÎF
Aslını bilen kişi itmez bu yerlerde karâr
Anın içün mâsivâdan bu gönül eyler firâr
Şol gönül kim yâd ide bunda iken o aslını
Tiz irişir menzile oluben 'aşka süvâr
Bulur ol maksûdunu irişüp ma'bûduna
Ayrılıkdan kurtulur vaslını eyler âşikâr
Yok ider kendözünü komaz vücûdunda nişân
Zîrâ varlık perde olur vuslat olmaz âşikâr
Her ki bu menzile ilter ise kendözünü
Bulmaz ol kendüyi ararsa dahi leyl ü nehâr
Gark olup deryâsına tevhîdin ol sâhib-kemâl
Çok cevâhir çıkarup tâliblere eyler nisâr
Katreni deryâya atgıl derdmend Üftâde sen
Tâ ki 'ummân oluben derdler buluna bî-şümâr
Muhammed Muhyiddîn Üftâde
Kuddise Sırruh