Aslını Şu Kim Duymaya Pâyân Dahi Bilmez
30 Mart 2023 tarihinde yayınlanmıştır.
NUTK-İ ŞERÎF
Aslını şu kim duymaya pâyân dahi bilmez
Kim zâhirini bilmeye pinhân dahi bilmez
Ger kalb-i selîm ile sivâdan çekesin el
Bir mülk alasın anı Süleymân dahi bilmez
Nefsini müselmân iderek zabt idegör kim
Bu saltanatın zevkini sultân dahi bilmez
Hizmetle gubâr eyler isen cismini yolda
Bir sırra irersin ötesin cân dahi bilmez
Tayy eyler isen tûl-i emel defterin ey dost
Bir cûd idesin Hâtem-i devrân dahi bilmez
'Aşk oduna ger mısr-ı vücûdun yakar isen
Bir şerbet içersin anı reyyân dahi bilmez
Çün koydu bu Şeyhî bedeni dâdını feryâd
Câna irmez ise lezzeti 'irfân dahi bilmez
Abdülmecid Sıvâsî
Kaddesallahu Sırrahu'l-Âlî