Âteş-i Aşkın Fürûzân Olsa Âşık Nâr Olur
26 Ocak 2020 tarihinde yayınlanmıştır.
NUTK-İ ŞERÎF
'Âteş-i 'aşkın fürûzân olsa 'âşık nâr olur
Hüsnünü âyîne-i dilde gören huşyâr olur
Her zaman gördükçe 'âşık gözlerin hummâr olur
Her zaman gördükçe 'âşık gözlerin hummâr olur
Hüsnün oldukça füzûn 'aşk ehli artuk zâr olur
Hüsn ne mikdar olursa 'aşk ol mikdâr olur
Cilve-i hüsnün gören 'âşıkdır vü dîvânedir
Ka'be vü puthâneyi fark eylemez etvârdan
Zâhidâ men' eyleme şeydâları dîdârdan
Cennet içün men’ eden 'âşıkları dîdârdan
Bilmemiş kim cenneti 'âşıkların dîdâr olur
Bilmemiş vâ'iz ne mazhardır olur 'aşk ehlinin
Yoksa her lahza salardı ehl-i 'aşka mislinin
Düşmese sevdâya bilmez kadr-i zevk-i vaslının
Zâhid-i bî-hod ne bilsin zevkini 'aşk ehlinin
Bir 'aceb meydir muhabbet kim içen hüşyâr olur
'Aşk 'ilminden olur esrârdan 'âşık fehîm
Âteş-i 'aşk içre toprak olmasa olmaz selîm
Eyleme 'âşıkların derdine dermân ey Kerîm
'Aşk derdinden olur 'âşık mizâc-ı müstakîm
'Âşıkın derdine dermân etseler bîmâr olur
'Âşıkın derdine dermân etseler bîmâr olur
'Âşık-ı rüsvâ çeker sevdâ-yı 'aşkın cevrini
Lezzet-i dîdârı bilmez çekmeyenler hicrini
Lücce-i 'aşkında Hâlis zâyi' etdi 'ilmini
'Aşk sevdâsına sarf eyler Fuzûlî ömrünü
'Aşk sevdâsına sarf eyler Fuzûlî ömrünü
Bilmezem bu hâb-ı gafletden kaçan bîdâr olur
Fuzûlî'nin bir gazeli üzerine Abdurrahman Hâlis Talebânî el-Kerkükî Hazretlerinin tahmîsidir.