MuzafferOzak.com (Türkçe)

NUTK-İ ŞERÎF

Âteş-i şirke düşüp olma mu'azzeb ey hasûd

Hakk'ı birle Hakk'dan artuk yok durur hergiz vücûd

Dü zamânın hassasıdır hırka-i fakr u fenâ

Kâbiliyyetde olurısan bulasın sen feyz-i cûd

Bilmez misin cümle isti'dâdımız mecbûrîdir

Kendi midir tâirin eder hubût ile su'ûd

Gel kazâya râzı ol halkı çıkar sen aradan

Sanma kim halkın yüzünden ola nâbud ile bûd

Senden ednâya nazar kıl müsterih ol her zamân

'İzzet ehline bakuben dâim etme âh u dûd

'Ârifin katline dendân bilemek 'âdet durur

Hazret-i 'Îsâ'yı çarmıh etmediler mi Yahûd

Ârifin mevti vermez sana hayât-ı câvidân

Gel hasedden dûr olagör "el-hasûdu lâ yes'ûd"

'Aşk ile mahv-ı vücûd et geç gecinden fâriğ ol

'Aşk-ı Hakk'dan gayrıda yokdur bekâ ile hulûd

Bu vücûd-i mutlakın lutf ile kahrın bir görür

Gaybîyâ anın içün görmez 'azâb ehl-i şuhûd

Sun'ullah Gaybî

Kuddise Sırruh

Âteş-i Şirke Düşüp Olma Muazzeb Ey Hasûd