Âzim-i Dergâh-ı Hakk Ol Menzil-i Maksûda İr
13 Nisan 2024 tarihinde yayınlanmıştır.
NUTK-İ ŞERÎF
'Âzim-i dergâh-ı Hakk ol menzil-i maksûda ir
'Âbid-i Allah isen ger vuslat-ı ma'bûda ir
Bu vücûd-ı fânîyi bezl it vücûd-ı bâkîye
Bir ticâret eyle kim sen anda 'ayn-ı sûda ir
Yu vücûdun resmini mahv it 'alâyık nakşını
Özge bir feyz-i cezîl-i Hazret-i zi'l-cûda ir
Çün bilirsen râh-ı Hakk'da berzah-ı bisyâr var
Bârını tahfîf idüp ser-menzile âsûde ir
Yasdanup hâk-i fenâ Hakkı hevâ-yı 'aşk ile
Âb-ı feyz iç serdîyi ko şevk-i dilden oda ir
İsmâil Hakkı Bursevî
Kaddesallahu Sırrahu'l-Âlî