Bahâr Oldu Yine Açıldı Güller
12 Mayıs 2018 tarihinde yayınlanmıştır.
NUTK-İ ŞERÎF
Bahâr oldu yine açıldı güller
Murâda bülbül erdiği zamândır
Safâ buldu ferahnâk oldu diller
Sanasın dağlar u bâğlar cinândır
Saçıldı âb-ı rahmet kâinâta
Hayât erişdi eşcâr ü nebâta
Yetişdi her biri tâze hayâta
Basîret ehline günden 'ayândır
'Ademden geldi her biri vücûda
Müsebbih hem kıyâm eyler sücûda
Nihâyet yok 'atâ vü fazl-ı cûda
Hudâ'nın zât-ı pâkinden nişândır
Hüdâyî lutf-ı Hakk'ı fikr edegör
Kemâl-i fazlına hem şükr edegör
Hudâ'yı cân ü dilden zikr edegör
Ki zikr-i Hakk hayât-ı câvidândır
Azîz Mahmûd Hüdâyî
Kaddesallahu Sırrahu'l-Âlî
NAĞME-İ AŞK