Bahr-i Vahdetde Vücûdum Fülkünü Kıldım Fenâ
5 Temmuz 2021 tarihinde yayınlanmıştır.
NUTK-İ ŞERÎF
Bahr-i vahdetde vücûdum fülkünü kıldım fenâ
Hamdülillah kesret-i emvâcdan buldum rehâ
Nice müddet olmuşam gavvâs-ı bahr-i lâ-yezâl
Tâ ki girdi destime bir dürr-i yektâ bî-bahâ
Gel müsemmâ dersin al her bir varakdan 'ârif ol
"Lâ" içinde bulagör "illâ"yı dil olma a'mâ
Ten serâyın yapdı cânân kıldı pinhân kendözün
Pes çıkup taşra ararsın ol yakın senden sana
Gel vücûdun hânesinden yârin ile hemdem ol
Bul Sezâyî vaslı cânân olma andan hiç cüdâ
Hasan Sezâyî
Kuddise Sırruh