Bahtın Eğer Kim Değil İse Nuhûs
22 Ekim 2023 tarihinde yayınlanmıştır.
NASÎHAT
Bahtın eğer kim değil ise nuhûs
Fakr u fenâ tahtına eyle cülûs
Nice gün oldun tutalım dünyâda
Sâhib-i taht u 'ilm tabl u kûs
Olmuş idi şarka vü garba tamâm
Pâdişah İskender İbn-i Feylekûs
Geldi vü gitdi niçe İskenderân
Bir niçe Lokmân niçe Câlinûs
Mevte 'ilâc olmaz imiş bildiler
Eylediler terk-i nüfûs u ruûs
İmdi fenâ mülkine ol pâdişah
Tablın u kûsun olan bang-ı hurûs
Kim ki verir fakra rızâ Fazliyâ
Eyle anın dest-i şerîfini bûs
Seyyid Osman Fazlî Efendi
Kaddesallahu Sırrahu'l-Âli