Ben Bilmedim ki Ben Kimem Hayretdeyem Hayretdeyem
1 Ocak 2022 tarihinde yayınlanmıştır.
NUTK-İ ŞERÎF
Ben bilmedim ki ben kimem hayretdeyem hayretdeyem
Ben bana hiç ben diyemem hayretdeyem hayretdeyem
Gözümdeki kimdir gören gönlümdeki kimdir duyan
Kimdir nefes alup veren hayretdeyem hayretdeyem
Dilimde kimdir söyleyen kulakda kimdir dinleyen
Kimdir bu idrâk eyleyen hayretdeyem hayretdeyem
Bu adımım kimdir atan ağzımdaki lezzet neden
Bu çiğneyüp kimdir yutan hayretdeyem hayretdeyem
Elimdeki kimdir tutan tutduğunu geru atan
Kimdir alan kimdir satan hayretdeyem hayretdeyem
Tenimdeki cânım neden gözümdeki kânım neden
Bu dînim îmânım neden hayretdeyem hayretdeyem
Seyyid Nizâmoğlu hemân her iş Hakk'ın tutma gümân
Ya pes nedir yahşi yamân hayretdeyem hayretdeyem
Seyyid Nizâmoğlu Seyyid Seyfullah
Kuddise Sırruh