Ben Bir Günahkâr Kocayam Bâb-ı Gaffar'a Geldim
8 Haziran 2022 tarihinde yayınlanmıştır.
NUTK-İ ŞERÎF
Ben bir günahkâr kocayam bâb-ı Gaffar'a geldim
Çokdur 'uyûbum dileyüp setrin Settâr'a geldim
Mu'terif olup suçumu bildim etdim istiğfâr
Kesmem recâmı çün rahmeti bol Cebbâr'a geldim
Yalvarmadan yeğ bulmayup çâre kıldım tazarru'
İsteyüp gufrân dedim kapuna bîçâre geldim
Söylemek 'âdet derdi tabîbe ben de dedim kim
Zâlimim azgındır ey tabîb sana tîmâra geldim
'Andelîb bâğ-ı gül içün bekler maksûdu oldur
Bülbülem ben de gül ârzûsuyla gülzâra geldim
İstemez 'âşık hûr u kusûru çün seni ister
Sensin murâdım ben temâşâ-yı dîdâra geldim
Lutf edüp bana ver murâdımı rıfk ile zîrâ
Haste kulunum sen kerem ıssı dildâra geldim
Der ki Kuddûsî sen muktedirsin çünki her şeye
Ben seni senden isterem bugün sen yâra geldim
Ahmed Kuddûsî
Kuddise Sırruh