Ben Derd İle Âh İderdim Derdim Bana Dermân İmiş
30 Mayıs 2019 tarihinde yayınlanmıştır.
NUTK-İ ŞERÎF
Ben derd ile âh iderdim derdim bana dermân imiş
İster idim hasret ile Dost yanımda pinhân imiş
Kande deyu fikr iderdim göğe bakup şükr iderdim
Dost benim gönlüm evinde tenim içinde cân imiş
Sanırdım kendim ayrıyam Dost gayrıdır ben gayrıyam
Beni bu hayâle salan bu sıfât-ı insân imiş
İnsân sıfâtı kendü Hakk insandadır Hakk doğru bak
Bu insânın sıfatına cümle 'âlem hayrân imiş
Her kim ol insânı bile hayvân ise insân ola
Cümle yaradılmış kula insân dolu Sultân imiş
Tevhîd imiş cümle 'âlem tevhîdi bilendir âdem
Bu tevhîdi inkâr iden öz cânına düşmân imiş
İnsân olan buldu Hakk'ı meclis anın oldur sâkî
Hemân bu bîçâre Yûnus 'aşk ile bil 'ayân imiş
Yûnus Emre
Kuddise Sırruh