Ben Dost Hevâsına Düşdüm Özge Hevâ Neme Gerek
12 Aralık 2014 tarihinde yayınlanmıştır.
NUTK-İ ŞERÎF
Ben Dost hevâsına düşdüm özge hevâ neme gerek
Başımda Dost sevdâsı var dahî sevdâ neme gerek
Ey zâhid-i dünyâ-perest var zühdünü 'arz eyleme
Ben 'âşık-ı şûrîdeyem zerk u riyâ neme gerek
Ben Dost yolunda nakdimi hep oynayup ütdürmüşem
Çün gitdi külli varlığım havf u recâ neme gerek
Ben lâubâlî giderem iki cihânı n'iderem
Meylim yok sekiz uçmağa pes mâsivâ neme gerek
Ben uykumu fikr etmezem düş görüp ta'bîr etmezem
Ben gelmezem ben gitmezem bekâ fenâ neme gerek
Ben mest-i ezel gelmişem ben tâ ebed mest giderem
Hiç ayılmaz esrikliğim zühd ü takvâ neme gerek
Ben dost ile peymânımı "elest"den ön berkitmişem
Ben Dost'u 'ıyân görmüşem hayâl rüyâ neme gerek
Gerçi sûretde insânem ben sultân-ı ins ü cânem
Ben fâriğ-i dü cihânem işbu kavgâ neme gerek
Ben Eşrefoğlu Rûmî'yem ben bâkîyem kadîmem
Ben ol mürg-i lâhûtîyem 'arz u semâ neme gerek
Eşrefoğlu Rûmî
Kuddise Sırruh
Mürşid-i Azîzim Muzaffer Efendi Hazretleri, bir sohbet esnasında, söz Eşrefoğlu Rûmî Hazretlerine gelince, dükkandaki kitaplar arasında Eşrefoğlu Rûmî Hazretlerinin Dîvânını bularak, bu nutk-i şerîfi orada bulunanlara okumuşlardı. Hazretimin okuyuşunu teberrüken buraya derc ediyorum.
NAĞME-İ AŞK