Bend Eyle Lebin Nândan Dolsun Güher-i Rûze
26 Nisan 2023 tarihinde yayınlanmıştır.
NUTK-İ ŞERÎF
Bend eyle lebin nândan dolsun güher-i rûze
Gitsin o keder cândangelsin hüner-i rûze
Bu 'âlemi bil siccîn dildir reh-i 'illiyyîn
Kalbe nazar-ı cân-bîn versin nazar-ı rûze
Koy nefs ü bu tedbîri her hîle vü tezvîri
Meksûr ola her tîri olsa siper-i rûze
Rûze ne zarar eyler bin türlü hüner eyler
Bir başka sefer eyler sevdâ-yı ser-i rûze
Rûze teni râm eyler ahlâkı tamâm eyler
Hem mest-i müdâm eyler cânı eser-i rûze
Ten zarf-ı muhabbetdir dil gülşen-i vahdetdir
Cân hacle-i vuslatdır feth olsa der-i rûze
Hakkı gece ol kâim hem gündüzü ol sâim
Tâ kalbe dola dâim şehd ü şeker-i rûze
Erzurumlu İbrâhim Hakkı
Kuddise Sırruh