Bende Oldum Tâ Ezeli Bende Bulup Sübhânımı
13 Aralık 2021 tarihinde yayınlanmıştır.
NUTK-İ ŞERÎF
Bende oldum tâ ezeli bende bulup Sübhân'ımı
Nâr-ı 'aşk içinde küllî nûr eyleyüp nîrânımı
Her dü cihân deryâ-yı Hû eyler tecellî sû-be-sû
Tâ ezel eyleyüp arzû 'ayân etdim îmânımı
Hicrân ile kalmış iken gurbetlere salmış iken
Kesretlere dalmış iken dürdâne buldum sânımı
Benlik bana olmuş durak zannetdiren yâri ırak
Dil mülkünden açdı şafak keşfetdi gizli kânımı
Yok bahr-ı vahdete sâhil gelip bunda olma gafil
Ta'rîfi olamaz kâbil sırr içinde seyrânımı
Refref-i 'aşk ile mahva envâr-ı mahv ile sahva
Erişüp ekber-i afva cân eyledim cânânımı
İsm-i A'zam ile nihan fermânı emr-i kün fekân
Şânı ezelden bî-nişân fehm eyledim mihmânımı
Fedâ edüp kayd-ı resmi mahv eyleyüp cân u cismi
Görüp müsemmâdan ismi Sâmî buldum sultânımı
Abdurrahmân Sâmî Saruhânî
Kaddesallahu Sırrahu'l-Âlî