Beni Bir Nutfe İken Çünki İnsân Etdin Ey Kuddûs
29 Eylül 2022 tarihinde yayınlanmıştır.
NUTK-İ ŞERÎF
Beni bir nutfe iken çünki insân etdin ey Kuddûs
Dahi îmân u 'ilm ü 'aşkı ihsan etdin ey Kuddûs
Hemîn bu ümmet-i merhûme-i magfûreden kıldın
Dahi ehl-i yakîn u sıdk u 'irfân etdin ey Kuddûs
Tarîk-ı evliyâ vü asfiyâya eyledin teslîk
Muhibb-i âl u sahb-i fahr-i ekvân etdin ey Kuddûs
Nihayet yok senin bahr-i 'atâ vü rahmetine hîç
Kılup 'âşık sana işimi efgân etdin ey Kuddûs
Halâik içre Kuddûsî deyü adımı söyletdin
İçirüp hamr-ı 'aşkı mest ü hayrân itdin ey Kuddûs
Ahmed Kuddûsî
Kuddise Sırruh