Beni Meczûb-i Dâm-ı Hubb-i Zâtın Eyle Yâ Rabbi
2 Eylül 2019 tarihinde yayınlanmıştır.
MÜNÂCÂT
Beni meczûb-i dâm-ı hubb-i zâtın eyle yâ Rabbi
Dili mashûb-i esrâr-ı sıfâtın eyle yâ Rabbi
Ezelden tâ ebed müstağrak-ı bahr-ı şühûd eyle
Cânı mevhûb-i feyz-i beyyinâtın eyle yâ Rabbi
Kuyûd-i esfel-i nefs ü tabî'atden rehâ eyle
Derûnu vasl-ı nûr-i 'âliyâtın eyle yâ Rabbi
Ehad sırrındaki mîrâs ile vâris edüp sırrım
Ledünnîde harîm-i her nükâtın eyle yâ Rabbi
Şüûn-i 'ayn-i a'yândan mücerred eyleyüp her dem
Garîk-i feyz-i kuds-i zât-ı na'tın eyle yâ Rabbi
Çü sensin maksadı Sâmî fakîrin her dü 'âlemde
Anı mergûb-i nûr-i iltifâtın eyle yâ Rabbi
Şeyh Abdurrahmân Sâmî Saruhânî
Kaddesallahu Sırrahu'l-Âlî