Benim Dîvâne Gönlüm Rütbe-i İrfâne Mâlikdir
16 Kasım 2022 tarihinde yayınlanmıştır.
.jpg)
NUTK-İ ŞERÎF
Benim dîvâne gönlüm rütbe-i 'irfâne mâlikdir
Bi-hamdillâh kemâlât-ı kamu insâne mâlikdir
Kemâlât-ı cünûnam 'akl-ı evvel eylemez idrâk
Anın-çün böyle bîrûn-ı 'akldan dîvâne mâlikdir
Nigâh-ı çeşm-i Leylâ-yı ezel bî-hûşudur gönlüm
Şehen-şâh-ı cünûndur mülk-i bî-pâyâne mâlikdir
Nazar kılmaz gönül meyl eylemez mülk-i Süleymân'a
Nazar eyler mi ol kim mülket-i cânâne mâlikdir
Irak olmak gerek hıfzu'l-beden vâcibdir zîrâ ki
Yanar gönlüm yakar 'âlemleri sûzâne mâlikdir
Seyyid Hamza Nigârî
Kaddesallahu Sırrahu'l-Âlî