Besdir Bu Kadar Hicrân Azm-i Yâr Edelim
27 Ağustos 2023 tarihinde yayınlanmıştır.
.jpg)
NUTK-İ ŞERÎF
Besdir bu kadar hicrân azm-i yâr edelim
Yetmez mi bu firkat vasl-ı dildâr edelim
Yârimizi bulalım yüz sürelim dâmânına
Nidelim kesret-i yârânı terk-i ağyâr edelim
Bu fenâda olur mu râhat hiç bülbül-i cân
Varalım gülistân-ı bekâda karâr edelim
Bu cihânda serseri gezmek olsun mu bize
Bakalım 'âlem-i dilde basîretle i'tibâr edelim
Kaydımız yok kâr-ı dünyâdan ferâgat etmişiz
Varalım bâzâr-ı 'aşkda bir özge kâr edelim
Bir vîrânede nice bir bekleyelim baykuş gibi
Gidelim dil hânesine anı i'mâr edelim
Derde dermân bulamaz Sûzî kalbidir mecrûh
Bulalım bir özge tabîb 'aşk ile tîmâr edelim
Ahmed Sûzî
Kuddise Sırruh