Beyhûde Sanup Eyleme Zâhid Bizi Tahkîr

20 Ocak 2020 tarihinde yayınlanmıştır.

NUTK-İ ŞERÎF

Beyhûde sanup eyleme zâhid bizi tahkîr

Çün etdi bizim gönlümüzü 'aşk ile tenvîr

Nûş eylemişiz rûz-ı ezelde dolu câmı

Dost cezb edüben kıldı bizi kendine teshîr

Vermiş size ol günde hemân zühd ile 'ucbu

Hoş geldi bize eylemesi 'aşkını takdîr

Var fakre rızâmız ederiz fahr u mübâhât

Mevlâ fukarâ zümresine etdi bizi mîr

Ol rızkımıza çünki zâmin eylemeyiz şekk

Esbâb-ı me'âşı eder ol lutf ile teysîr

Hakk'dan diledi Şâh-ı rusül olmağı miskîn

Eyler idi miskînlere in'âm ile tevkîr

Pes hirfetimiz vecd ü tarab zikr ü tevekkül

Bu râha tevâzu' edüben sen dahi gel gir

Kuddûsî'ye hem eyle meveddet ki olupdur

Bir 'âşık-ı Hakk mest-i müdâm bağrı yanık pîr

Ahmed Kuddûsî

Kuddise Sırruh