Beyzâ-i Tenden Halâs Oldu Bu Cânım Hem-çü Ferh
12 Eylül 2024 tarihinde yayınlanmıştır.
NUTK-İ ŞERÎF
Beyzâ-i tenden halâs oldu bu cânım hem-çü ferh
Bu safâdan 'arsa-i 'aşk içre kıldı devr çarh
Cân Süleymân'ı mahabbet Belkıs'ıyçün eyledi
Hâne-i cismimi 'arş u lücce-i çeşmimi sarh
Heyzüm-i nâr-ı cehennemdir vücûd-ı müdde'î
Anun içün mîvesi yokdur anın emsâl-i merh
Nakd-i cânı harc-ı râh-ı yâr kıl ey bî-hüner
Bezl-i cândır şehr-i 'aşk içre visâl-i yâra berh
Ol kadar âh u figân itdi Rusûhî derdmend
Dûd-ı âhından sehâb oldu büründü rûy-i çarh
İsmâil Rusûhî Ankaravî
Kuddise Sırruh