Bezm-i Elestin Câmını Sundu Bize Sübhânımız
22 Mart 2020 tarihinde yayınlanmıştır.
NUTK-İ ŞERÎF
Bezm-i elsetin câmını sundu bize Sübhânımız
Ol meclisin peymânesi oldu bizim peymânımız
Ol bâdenin sekrânıdır ol cür'anın hayrânıdır
Ol neş'e sergerdânıdır ervâhımız ebdânımız
Kalmadı dilde mâsivâ Hû ile pür oldu hevâ
Zâhir olup sırr-ı likâ cânâna erdi cânımız
Handân olunca gülleri nâlân olur bülbülleri
Giryân olup 'âşıkları seyrân eder Sultânımız
Çün râh-ı 'aşkı tutdular dîvân-ı 'aşka yetdiler
Feryâd ile pür etdiler dîvâneler dîvânımız
Ol bezme erse mübtelâ âsân olur bâr-ı belâ
Derdi olur 'ayn-ı devâ rahm eyleyüp Rahmânımız
Nûş etse Nûrî 'aşk ile 'âlem safâsıyla dola
Cân çeşmine zâhir ola her katrede 'ummânımız
Şeyh Abdülehad Nûrî
Kuddise Sırruh