MuzafferOzak.com (Türkçe)

NUTK-İ ŞERÎF

Bî-karâr olmak nedendir ey dil-i dîvâne sen

Ya ne düşdün bilmezem pervâne-veş nîrâne sen

Ol habîbin sen dahi nûr-ı cemâlinden eser

Görmedin girmen semâ' ile neden meydâne sen

Olmamışken câm-ı 'aşkın cür'asından neş'edâr

Bilmezem hiç kandan oldun böyle bir mestâne sen

Cân gözün açup hakâyık sırrını seyr itmedin

Bî-habersin sırr-ı Yezdân'dan yürü bî-gâne sen

Kâse-i dil hasret-i meyden ko olsun münkesir

Nûrî kesri iste mazmûm olasın cânâne sen

Şeyh Abdülehad Nûrî

Kaddesallahu Sırrahu'l-Âlî

Bî-Karâr Olmak Nedendir Ey Dil-i Dîvâne Sen