Bil Hilye-i Merdân-ı Hudâ Terk-i Sivâdır
26 Aralık 2019 tarihinde yayınlanmıştır.
NUTK-İ ŞERÎF
Bil hilye-i merdân-ı Hudâ terk-i sivâdır
Ağyâra meyl eyleyenin 'ömrü hebâdır
Bu menzile 'âbid eremez çünki anın pes
Maksûdu cinân içre hemân nân u nevâdır
Bu arsada baş oynatır merdân-ı muhabbet
Her kim ki kılar cânı fedâ dosta salâdır
Vâ'iz sakın uzatma zebânın bize çünki
'Uşşâka cefâ eyleyenin hasmı Hudâ'dır
'Aşk ehline dahl eyleme zîrâ o gürûhun
Hakk gönlünü cezb eylemiş anlar büdelâdır
Kuddûsîye cevr etmek ile 'aşkdan usanmaz
Ey zâhid anın himmeti ma'şûka likâdır
Ahmed Kuddûsî
Kuddise Sırruh