Bilmem N'ideyim Nefs ü Şeytânın Elinden
18 Şubat 2022 tarihinde yayınlanmıştır.
NUTK-İ ŞERÎF
Bilmem n'ideyim nefs ü şeytânın elinden
Hicret mi'deyim halk-ı zamânın elinden
Bir bir hücûm etmede âlâm u mesâib
Şekvâ mi'deyim takdîr-i kazânın elinden
Hayretde-durur ehl-i dilân billâh kamu
Nefret mi 'aceb ehl-i dünyânın elinden
Hikmet ne-dürür hâl-i cihân böyle mütegayyir
Yandı bu gönül renc ü 'anânın elinden
Billâh bu dilim subh u mesâda mütehayyir
N'itsün ne desin kevn ü fenânın elinden
Sabret a gönül fikr-i Hudâ'da devâm et
İncinme sakın cevr-i nâdânın elinden
Tefvîz edegör emrini Hakk'a Sûziyâ sen
Safvet bula tâ dil mâsivânın elinden
Ahmed Sûzî
Kuddise Sırruh