Bir Garîb Efgendenim İhsâna Geldim Yâ Resûl
15 Haziran 2020 tarihinde yayınlanmıştır.
İSTİMDÂD
Bir garîb efgendenim ihsâna geldim yâ Resûl
Derd-i bî-dermândeyim Lokmân'a geldim yâ Resûl
Hazretine yok yüzüm bir 'arz-ı hâcât etmeğe
Bir zelîl-i 'âcizem amâna geldim yâ Resûl
Cürm ü 'ısyân u hevâlar ki perîşân eyledi
Sen şefâ'at kânısın gufrâna geldim yâ Resûl
Lâyık-ı dergâh olacak nesnemiz yokdur şehâ
Sen mürüvvet menba'ı sultâna geldim yâ Resûl
Şem'-i nûrun pertevi 'âleme verdi zıyâ
Ben dahi pervâne-veş sûzâne geldim yâ Resûl
Çeşm-i nâ-bînâmıza bir devâ kılmaklığa
Hâk-i pâyın tûtiyâ dermâna geldim yâ Resûl
Yüz süregeldim kapuna Sûziyâ kıtmîr-veş
Bir nazar kıl rahmet-i Rahmân'a geldim yâ Resûl
Ahmed Sûzî
Kuddise Sırruh